பொதுமக்களை ஏமாற்றிய ஊராட்சி செயலாளர்- நடவடிக்கை எடுக்காத பிடிஓ

திருநெல்வேலி

பாளையங்கோட்டை ஊராட்சி ஒன்றியத்தில் முன்னீர்பள்ளம் ஊராட்சி செயலாளராக பணியாற்றி வரும் ரெங்கராஜம் என்பவர் அந்த ஊராட்சி பொதுமக்களிடம் பணம் பெற்று ஏமாற்றி விட்டதாக திருநெல்வேலி மாவட்ட ஆட்சியரிடம் மனு கொடுத்துள்ளனர்.

மை லைப் ஸ்டைல் என்ற மார்க்கெட்டிங் நிறுவனத்தில் செலுத்தும் பணம் இரட்டிப்பாக வரும் என ஆசை வார்த்தை கூறி அந்த ஊராட்சியில் பொதுமக்கள் பல பேரிடம்  பணம் வசூலித்து ஏமாற்றிவிட்டதாக முதலில் வட்டார வளர்ச்சி அலுவலரிடம் கூறி உள்ளனர்.

ஆனால், வட்டார வளர்ச்சி அலுவலரோ சம்மந்தப்பட்ட ஊராட்சி செயலாளர் மீது நடவடிக்கை எடுக்கவில்லை. அதன் ரகசியம் எங்களுக்கு தெரியவில்லை என நம்மிடம் பாதிக்கப்பட்ட நபர் சார்பாக பேசியவர் கூறினார்.

அதன்பிறகு தான் மாவட்ட ஆட்சியரிடம் புகார் மனு அளித்துள்ளனர். ஊராட்சி செயலாளர் மீது நடவடிக்கை எடுக்காத பிடிஓ மீதும் துறைரீதியாக நடவடிக்கை எடுக்கவேண்டும். பாதிக்கப்பட்ட பொதுமக்களுக்கு ஆதரவாக இருக்க வேண்டிய பிடிஓ,ஊராட்சி செயலாளருக்கு ஆதரவாக இருக்க வேண்டிய அவசியம் என்ன என கேள்வி எழுப்பினர் அந்த ஊராட்சியை சேர்ந்த பொதுமக்கள்.

மாவட்ட அதிகாரிகள் இதன்மீது உடனடியாக நடவடிக்கை எடுத்திட வேண்டும்.

Also Read  ஒரே பெயரில் ஊராட்சிகள்,வங்கி கணக்கில் குளறுபடிகள் - ஒற்றர் ஓலை