தேசிய அளவில் ஓங்கி ஒலித்த தமிழனின் குரல் – உள்ளாட்சியில் நல்லாட்சி

 VIKASIT BHARAT 2047 – தேசிய கலந்தாய்வில் தமிழ்நாட்டின் உள்ளாட்சிகளின் குரல்

கர்நாடக மாநிலம் தார்வாட் மாவட்டத்தில் உள்ள CMDR நிறுவனத்தில் நடைபெற்ற “வளர்ச்சியடைந்த இந்தியா 2047” (Viksit Bharat 2047) தேசிய அளவிலான கலந்தாய்வில், தமிழகத்தின் உள்ளாட்சிகளை பிரதிநிதித்துவப்படுத்தும் வாய்ப்பு கிடைத்தது பெருமையாகும்.

இந்தியாவின் 2.5 லட்சம் கிராம ஊராட்சிகள் எதிர்கொள்ளும் சவால்கள், அவற்றை சட்ட ரீதியாக வலுப்படுத்த வேண்டிய தடங்கள், மற்றும் 2047 வளர்ச்சியடைந்த இந்தியாவில் கிராமங்களின் பங்கு— குறித்த கலந்தாய்வு நிகழ்வு

இந்த கருத்தரங்கில்,

எங்கள் பிரதாபராமபுரம் கிராம ஊராட்சியில் கடந்த ஐந்து ஆண்டுகளில் செய்த செயல்பாடுகள்

மாற்றுத்திறனாளிகள் கிராம சபையை உருவாக்கிய முன்னோடியான முயற்சி

MGNREGS திட்டத்தின் மூலம் உருவான புதுமையான மாற்றங்கள்

இவை அனைத்தும் தேசிய மட்டத்தில் பாராட்டைப் பெற்றது மகிழ்ச்சியை அளிக்கிறது.

இந்த நிகழ்வில் தேசிய மற்றும் மாநில அளவிலான உள்ளாட்சி நிபுணர்கள், நிதி ஆலோசகர்கள், கல்வியாளர்கள் பெருமளவில் பங்கேற்றனர். அவர்களுடன் ஐந்து ஆண்டுகளாக ஊராட்சி மன்ற தலைவராக எனது அனுபவங்களையும் சவால்களையும் பகிர்வதற்கு சிறப்பான தருணமாக அமைந்தது.

இந்த வாய்ப்பை வழங்கிய கர்நாடக மாநில அரசு, மற்றும் CMDR மையத்துக்கு எனது மனமார்ந்த நன்றிகள்.
இந்தியா கிராமங்களில் வாழ்கிறது!.

பிரதாபராமபுரம் ஊராட்சி முன்னாள் தலைவர்