1 முதல் 8 வகுப்பு வரை ஆல் பாஸ் அறிவிப்பு வெளியாகிறதா?

தமிழ்நாட்டில் 1 முதல் 8ஆம் வகுப்பு வரை படிக்கும் மாணவர்களும் தேர்வின்றி தேர்ச்சி என்ற அறிவிப்பு வெளியாகும் வாய்ப்பு உள்ளதாக கூறப்படுகிறது.

9,10,11ஆம் வகுப்பு மாணவர்கள் தேர்வின்றி தேர்ச்சி பெறுவதாக தமிழக அரசு நேற்று முன் தினம் அறிவித்தது. இதற்கு பெற்றோர்கள், மாணவர்கள் மத்தியில் நல்ல வரவேற்பு கிடைத்துள்ளது.

ஆனால் தனியார் மெட்ரிகுலேஷன் பள்ளி நிர்வாகத்தினர் எதிர்ப்பு தெரிவித்து வருகின்றனர். அரசு இந்த முடிவை திரும்பப் பெற வேண்டும் என வலியுறுத்துகின்றனர். மேலும் பள்ளிகளை விரைவில் திறக்க வேண்டும் என கோரிக்கை விடுக்கின்றனர். ஆனால் தமிழக அரசோ 9,10,11ஆம் வகுப்பு மாணவர்கள் தேர்வின்றி தேர்ச்சி என்பது குறித்து அரசாணையை இன்று வெளியிட்டுள்ளது.

இந்நிலையில் 1 முதல் 8ஆம் வகுப்பு வரை படிக்கும் மாணவர்களும் தேர்வின்றி தேர்ச்சி பெறும் வகையில் அறிவிப்பு வெளியாக வாய்ப்புள்ளதாக தகவல் வெளியாகியுள்ளது.

இலவச கட்டாயக் கல்வி உரிமைச் சட்டத்தின்படி மாணவர்கள் தேர்ச்சி பெற்றதாக அறிவிக்க வாய்ப்பு உள்ளதாக பள்ளிக் கல்வித்துறை வட்டாரத்திலிருந்து வரும் தகவல்கள் தெரிவிக்கின்றன.

மேலும் தேர்வு எழுதாததால் ஏற்படும் குறைப்பாட்டை ஈடுகட்ட ‘பிரிட்ஜ் கோர்ஸ்’ எனப்படும் சிறப்புக் கல்வித் திட்டத்தினை அறிமுகப்படுத்த உள்ளதாகவும் கூறுகின்றனர். அதன் அடிப்படையில் தயாரிக்கப்பட்ட புத்தகங்களைக் கொண்டு 30 நாள்கள் சுழற்சி முறையில் பயிற்சியளிக்கப்படும் எனவும் பள்ளிகள் திறக்க தாமதமாகும் நிலையில் அடுத்த கல்வி ஆண்டின் தொடக்கத்தில் பயிற்சி அளிக்கப்படும் என்றும் கூறுகின்றனர்.

Also Read  தமிழகத்தில் ஆட்சியை பிடிப்பது யார்? - மக்கள் கருத்துக் கணிப்பு